Buldhana,स्पोर्ट्स बाईकवरुन भरधाव निघाला, वाटेत अनर्थ घडला अन् जग सोडलं...

स्पोर्ट्स बाईकवरुन भरधाव निघाला, वाटेत अनर्थ घडला अन् जग सोडलं...

बुलढाणा जिल्ह्यातील खामगाव - देउळगाव साकर्शा मार्गावर एका स्पोर्ट्स बाईकचा भीषण अपघात झाला आहे. मेहकर पोलिस ठाण्याच्या हद्दीत काल सकाळच्या दरम्यान हा मोठा अपघात झाला आहे. महागड्या स्पोर्ट बाईकवर बसून खामगाव येथील प्रसिद्ध मनोविकार तज्ञ् डॉ. नवेद देशमुख यांचा मुलगा तलाहा देशमुख वय २५ हा युवक निघाला होता. दरम्यान आपघात सदर युवकाचा जागीच मृत्यू झाला. या अपघातात युवाकाने जीव गमावल्याची हृदयद्रावक घटना घडली आहे.

अपघातस्थळी सदर गंभीर जखमी युवक पडलेला असतांना व मदत मागत असतांना येणाऱ्या जाणाऱ्या वाहनचालकांनी फक्त फोटो काढले मदत मात्र केली नाही. त्यामुळे काही वेळात विव्हळत असलेल्या युवकाचा मृत्यू झाला. अज्ञात वाहनाने मोटारसायकल ला धडक देऊन पसार झाल्याचे नागरिक सांगीत आहे.  आज सोमवारी खामगावात या युवकावर अंतिम संस्कार पार पडले.